ယောနိသော မနသီကာရ ( အသင့်အတင့် နှလုံးသွင်းခြင်း ) .. တဲ့ ။
Myanmar Idol မှာ ခိုင်ထူး သီချင်းတွေနဲ့ ယှဉ်ပြိုင်စေတော့ ပွဲအပြီး ဝေဖန်သံတွေ လျှံထွက်လာတယ် ။ မမီလို့တဲ့ ၊ တစ်ချို့ကလည်း ဒါလောက် နာမည်ကြီးတဲ့ အဆိုတော်ရဲ့မူရင်း မကြားဖူးရကောင်းလား ဆိုတဲ့ ဒေါမနဿ တစ်ကယ်တော့ ပြိုင်ပွဲဝင် ကလေးတွေဟာ ဝါသနာရှင်မျှသာပါ ၊ ကြေးစားတွေ မဟုတ်ပါ ။
ဝါသနာနဲ့ ပါရမီ အရ သည်အဆင့်ထိ တက်လှမ်းလာတာ ၊ ပြီးတော့ ခိုင်ထူး နာမည်ကြီးတာ ၁၉၈၀ တစ်ဝိုက် ... ။ လွန်ခဲ့တဲ့နှစ် ၄၀ လောက်က ပရိသတ် အကြိုက်နဲ့ ဒီခေတ်လူငယ်တွေအကြိုက် တူချင်မှ တူနှိုင်မယ် ။
ကျနော်တို့ အသက် ၂၀ အရွယ်လောက်က စိန်လွင် ၊ သန်းနိုင် ၊ စိုးပိုင် .. ကြိုက်နေချိန်မှာ ပြည်လှဖေ ၊ ဥသြဘသောင် ၊ ခင်မောင်ရင့် သီချင်းတွေ လာဖွင့်ပြရင် ကြိုက်ချင်မှ ကြိုက်မိမှာ.. ။ မလွှဲသာလို့ ပြန်ဆိုပြရရင်လည်း ပြည်လှဖေ ၊ ဥသြဘသောင် ပရိသတ်က မူရင်း မမီဘူး ၊သီချင်း ပျက်တယ် ၊ လျှာဖျားနဲ့ ဆိုတယ် ၊ ရင်ဘတ်နဲ့ မဆိုဘူး ... ဘာညာ ဝေဖန်ကြမယ် ထင်တယ် ။
ပြီးတော့ ခိုင်ထူး သီချင်းတွေဟာ ခိုင်ထူး အာ ( ဆိုဟန် ) နဲ့ လိုက်ဖက်အောင် ရေးစပ်ထားတာမျိုး ဆိုရင်လည်း ခုခေတ် လူငယ်တွေ အာ ( ရေစီးကြောင်း ၊ အစားအစာ အာဟာရ ၊ သွေးနှောမှု ) နဲ့ ရာနှုန်းပြည့် လိုက်ဖက်မှာ မဟုတ်ဘူး ။ ရှေးတေးရေး ဆရာကြီးတွေဟာ ( စန္ဒယားချစ်ဆွေတို့ ခေတ်အထိ ) အဆိုတော် အာနဲ့ လိုက်ဖက်မယ့် တေးသွားမျိုး ၊ စာသားမျိုး တစ်မင် ဖန်တီးရေးဖွဲ့ပေးတယ် ကြားဖူးတယ် ။
ဥပမာ ... " သာစည်က မမြရင် " သီချင်းရေးတဲ့ ဆရာထာ ဆိုပါစို့ ၊ `` ... ဆရာထာ က သီချင်းရေးပေးတော့မယ် ဆိုရင် သီဆိုမယ့် လူရဲ့ ပါးစပ်ကို သေသေချာချာ ကြည့်တာပါ ။
နှုတ်ခမ်းပါးနဲ့ စကားသွက်မယ့်လူလား ၊ နှုတ်ခမ်း ထူသလား ၊ လျှာလေးသလား ၊ အားလုံး ချင့်ချိန်ပြီးမှ လိုက်ဖက်တဲ့စာသားကို ရေးပေးတာ ... ´´လို့ လူထုဒေါ်အမာ ဆောင်းပါးရေးဖူးပါတယ် ။ ရွှေမန်းတင်မောင်နဲ့ စိန်အောင်မင်း တို့ကို သီချင်းရေးပေးတဲ့အခါ ရွှေမန်း အတွက် စာသား စိပ်စိပ် ၊ စိန်အောင်မင်း အတွက် စာသား ကျဲကျဲ ရေးပေးရပါသတဲ့ ။
အာစ ၊ လျှာစ ကွာလို့ပါတဲ့ ။ တစ်ခါ သီချင်း တစ်ပုဒ်ထဲကိုပဲ ဝါရင့် အဆိုတော်ကြီးတွေ ပြန်ဆိုတာတောင် မူရင်း မမီတာတွေ ရှိတတ်ပါတယ် ။ ဥပမာ ... " မန်းရာပြည့် " သီချင်းဟာ မာမာအေး အဆိုပထမဆုရ သီချင်း ။ လှကျော်နေ ပြန်လည်စီစဉ်တဲ့ စီးရီး တစ်ခုမှာ ဒေါ်မာမာအေးပဲ ပြန်ဆိုတော့ မူရင်း မမီတဲ့အပြင် ပေါ့ရွှတ်ရွှတ်တောင် ဖြစ်နေသလိုပါ ။
~ ဆောင်းရယ် နှင်းရယ် ကိုယ့်ချစ်သူရယ် ... ၊ မူရင်း တွံတေးသိန်းတန် ။ ဦးဝင်းဦး ပြန်ဆိုတော့ တွံတေး သိန်းတန် ကို မမီဘူးလို့ အများစု ဆုံးဖြတ်ကြတယ် ။ တေးရေးသူ ဦးလှထွဋ် ကိုယ်တိုင်လည်း ပြန်ဆိုဖူး ပါတယ် ။ တွံတေးလောက် ရသ မမြောက်သလိုပါ ။
ခင်မောင်ရင်ရဲ့ " နဂါးနီ " ။ သုမောင် ပြန်ဆိုတော့ မူရင်း ခင်မောင်ရင် နားမထောင်ဖူးလို့ သုမောင် ဆိုဟန်က ပိုကောင်းသလား ၊ မူရင်း မမီဘူးလား မပြောတတ်ပေမယ့် လူကြိုက်များခဲ့တာတော့ မှန်ပါတယ် ။
တစ်ချို့သီချင်းတွေ ကျတော့လည်း နောက်မျိုးဆက်တွေ ပြန်ဆိုတော့ တစ်မျိုးကောင်းပြန်ရော ။ အရှိုက်အငင်တွေ သိပ်မထည့်တဲ့ ခေတ်ပေါ်ဆိုနည်း ( rhythm အားပြု ဆိုနည်း ) နဲ့ သီဆိုတော့ ခေတ်လူငယ်တွေ ( လူလတ်ပိုင်း မိမိတို့ အပါအဝင် ) နားထဲ လျှောခနဲ ဝင်ပြီး အကြိုက်တွေ့ကြတယ် ။
( ကိုမင်းနောင် ၊ မာမာအေး ၊ တင်တင်မြ တို့ ဆိုနည်းက melody အားပြုဆိုနည်း ) ။
ဥပမာ ...
~ စုံတောမြိုင် ( မြန်မာပြည်သိန်းတန် ) ၊
~ ချမ်းမြေ့ပါစေ ( မာမာအေး ၊ နီနီဝင်းရွှေ ၊ စိုးစန္ဒာထွန်း ... ၊ တစ်မျိုးစီ ကောင်း ) ၊
~ မုန်းရစ်လေဦး ( ကိုမင်းနောင် ၊ စန္ဒယားလှထွတ် ၊ လွှမ်းမိုး ... ၊ တစ်မျိုးစီ ကောင်း )
~ ပပဝင်း ( ကိုကျော်ညွန့် ။ ဦးလှထွတ်ဋ် ရေးတဲ့ သီချင်း ၊ သူကိုယ်တိုင် ပြန်ဆိုတော့ ကိုကျော်ညွန့် ကို မမီဟုထင် ) ၊
~ သူနဲ့တွေ့ရင် ( မူရင်း မာမာအေး ၊ ဒေါ်ရီရီသန့် ပြန်ဆိုတော့ မာမာအေးနဲ့ တစ်မျိုးစီ ကောင်း ) ၊
~ မေ့ကွက်ကိုရှာ ( စီးရီးအသစ် ထုတ်ဖူးတယ် ။ ဒေါ်မာမာအေးပဲ ပြန်ဆိုတာပါ ။ မူရင်းနဲ့ တစ်မျိုးစီ ကောင်း ပါတယ် )။
စန္ဒယား ဦးချစ်ဆွေ မကွယ်လွန်မီ သီချင်း အတော်များများ ၊ အမျိုးအစား စုံစုံ သီဆိုသွားပါတယ် ။ မူရင်း အဆိုရှင် မှီတာလည်း ရှိ ၊ မမှီတာလည်း ရှိ ၊ တစ်မျိုးစီ ကောင်းနေတာလည်း ရှိ ။
ဒါ့ကြောင့် ခိုင်ထူး သီချင်းတွေ မျိုးဆက်သစ်တွေ သီဆိုရာမှာ မူရင်း မမှီခဲ့ရင် အကြောင်း အမျိုးမျိုး ရှိပါ
လိမ့်မယ် ၊
~ ခေတ်ချင်း ကွာ ၊ အကြိုက်ချင်း ကွာလို့ ၊
~ ရေးဟန် ၊ ဆိုဟန်တွေ ခေတ်ပေါ်အာရုံ ခံစားပုံ မဟုတ်လို့ ၊
~ ကိုယ့်အာနဲ့ မလိုက်ဖက်လို့ ၊
~ စိတ်လှုပ်ရှားလွန်းနေလို့ ၊
~ mood ဈာန်သွင်း မရလို့ ... စတဲ့ အခက်အခဲတွေ ၊ ဖိအားတွေ ရှိနေနှိုင်ပါတယ် ။
နောက်ပြီး သူတို့ဟာ အတွေ့အကြုံ နုနယ်သေးတဲ့ ဝါသနာရှင်တွေပါ ။
အဝေဖန် မစောကြပဲ ယောနိသော ၊ မနသီကာရ ... အသင့်အတင့် နှလုံးသွင်းကြရင်း အားပေးသင့် သလား လို့ပါ ။
ဂီတလုလင် ဦးကိုကို ကလည်း ပြန်ဆိုတေး တစ်ချို့ဟာ မူရင်း ကို မမီတာ မဟုတ် ၊ မတူတာသာဖြစ်ကြောင်း မှတ်ချက်ပေးဖူးပါတယ် ။ အကျယ် ရှင်းပြရရင် စာတမ်း တစ်စောင် ဖြစ်နှိုင်ပါသတဲ့ ။
Crd ; Maung Maung Nee
ခိုင်ထူးမူရင်းသီချင်းတော့ကြားဘူးသင့်ပါတယ်
ReplyDelete