ကိုခင်ဝမ်းနဲ့ စပြီး ခင်တာကတော့ ကျွန်တော် ၉ တန်းကျောင်းသား ဘဝမှာပါ ။ သူက ပြည်ကနေ ရန်ကုန်ကို ကျောင်းလာတက်တယ် ။ အလုံမှာ ရှိတဲ့ ( U.C.H.S ) ကျောင်းမှာ ကျောင်းအိပ် ၊ ကျောင်းစား ( ဟော်စတယ် ) လာနေပါတယ် ။ အခု အလုံ အမှတ် ၄ ကျောင်းပါ ။ ကျွန်တော်ကလည်း အဲဒီကျောင်းကို ၉ တန်းနှစ်မှာ စရောက်တယ် ။
ကိုခင်ဝမ်းနဲ့ အတန်းသားချင်း ခင်တဲ့သဘောပါ ။ ဒီလောက်ကြီး မတွဲမိကြသေးဘူး ။ ကျောင်း စာကတော့ အဓိကပေါ ။ ကျွန်တော်က အင်းစိန်မှာ နေတယ် ။ အင်းစိန်ကနေ ကျောင်းတက်ရတော့ ကျောင်းချိန်မှာ ကိုခင်ဝမ်းနဲ့ သိသွားတယ် ။ ကျွန်တော်က အဲဒီအချိန်မှာ ဂစ်တာ စတီးနေပြီ ။ အခု မင်းသားဖြစ်နေတဲ့ကျော်ဟိန်း ( ကျော်ဋ္ဌေး ) နဲ့ စတွဲမိတယ် ။ ကျောင်းမှာ ၁ ပတ် တစ်ခါလုပ်တဲ့ Assembly ရှိတယ် ။ ကိုယ့်အတန်း အလှည့်ကျချိန်မှာ ကျော်ဟိန်း က သီချင်း ဆိုတယ် ။ ကျွန်တော်က ဂစ်တာတီးပေးတယ် ။
ကျွန်တော် အဲဒီကျောင်းမှာ ၆ လပဲ နေခဲ့တယ် ။ ပထမပိုင်း ၆လ ပေါ့ ။ အဲဒီအချိန်မှာ ကိုခင်ဝမ်းနဲ့ သူငယ်ချင်း ဖြစ်တာလောက်ပဲ ရှိတယ် ။ နောက်တော့ မတွေ့ဖြစ်ကြတော့ပါဘူး ။ သူက ပြည်ကပါ ။ တက္ကသိုလ်တက်တော့ ရန်ကုန်တက္ကသိုလ်ကို ရောက်လာတယ် ။ အဲဒီအချိန်မှာ ကျွန်တော်က ဂစ်တာလှည့်တီးနေပြီး ကျောင်းထဲက သူငယ်ချင်းတွေနဲ့လည်း တွဲမိနေပြီ ။
ရန်ကုန် မိန်း ထဲမှာ ခင်ဝမ်းနဲ့ ပြန်တွေ့တယ် ။ အဲဒါနဲ့ ကျွန်တော်က ကိုယ့့် သူငယ်ချင်း ခင်ဝမ်း ဆိုပြီး နှုတ်ဆက်လိုက်တယ် ။
ရန်ကုန် မိန်း ထဲမှာ ခင်ဝမ်းနဲ့ ပြန်တွေ့တယ် ။ အဲဒါနဲ့ ကျွန်တော်က ကိုယ့့် သူငယ်ချင်း ခင်ဝမ်း ဆိုပြီး နှုတ်ဆက်လိုက်တယ် ။
နောက်တော့ ကျွန်တော်အပြင်မှာ ဂစ်တာတီးပြီး သီချင်းတွေ သွင်းနေချိန်မှာ ကိုခင်ဝမ်း အခွေ တစ်ခွေ ထုတ်တယ် ။ ဟာ ... ခင်ဝမ်း တဲ့ ။ ကျွန်တော့်သူငယ်ချင်းပဲ ဖြစ်မှာပဲလို့ ထင်မိတယ် ။ အဲဒီအချိန်တုန်းက သူဟာ ပန်းချီဆွဲတယ် ။ ပန်းချီဆရာတစ်ယောက် အနေနဲ့ နာမည်ပိုထွက်တယ် ။ ပန်းချီဆရာ ခင်ဝမ်းပေါ့ ။