ကဗျာဘွဲ့မှူးး ကို လိမ်လည်မှုဖြင့် အမှုဖွင့်

 တေးသံရှင် ကဗျာဘွဲ့ မှူးနှင့် ခင်ပွန်း တို့သည် စက်သုံးဆီ လုပ်ငန်း လုပ်ကိုင်နေသည်ဟု အ ကြောင်းပြကာ တစ်ဦးလျှင် ငွေ ကျပ်သိန်း ၁,၃၀၀ စီ လိမ်လည် ယူ ဆောင်သွား သဖြင့် အဆိုတော် ဆုန်သင်းပါရ်နှင့် ဒေါ်စန်းစန်းထွေး တို့က သြဂုတ် ၆ ရက်၌ အမှုဖွင့် တိုင်ကြားခဲ့ကြောင်း သတင်းရရှိသည်။

မရမ်းကုန်းမြို့နယ်နေ တေး သံရှင်ဆုန်သင်းပါရ် သည် YMCA ရှိ HWC ဘုရားကျောင်းတွင် ခရစ်ယာန် ဓမ္မသီချင်း သီဆိုရာမှ အဆိုတော် ကဗျာဘွဲ့မှူး တို့ လင်မယား နှင့်တွေ့ဆုံစဉ် ကဗျာဘွဲ့မှူး က ၎င်းတို့ ZTH စက်သုံးဆီ လုပ်ငန်း လုပ်ကိုင်နေကြောင်း၊ စက်သုံးဆီဆိုင် ချဲ့ထွင်ရန် ဆောင်ရွက်ထား သဖြင့် အစုရှယ်ယာ ပါဝင်နိုင် ကြောင်း စတင်ပြောဆိုခဲ့ကြောင်း ကမာရွတ်မြို့မ ရဲစခန်းမှ သိရ သည်။

 ZTH စက်သုံးဆီလုပ်ငန်း တွင် ပါဝင်ထားသည့် အစုရှယ်ယာများ ကို သက်တမ်းခြောက်လ သာ လက်ခံမည်ဖြစ်ပြီး ခြောက်လ ပြည့်ပါက အမြတ်ငွေနှင့် အရင်း ပါ ပြန်လည်ပေးအပ်မည်ဖြစ် ကြောင်း၊ အစုရှယ်ယာတစ်စုလျှင် ကျပ်သိန်း ၅၁၀ သတ်မှတ် ထား ပြီး လူရင်းများဖြစ်၍ ရှယ်ယာကို လက်ခံခြင်းဖြစ်သည်ဟု ယုံကြည် အောင်ပြောကြားခဲ့ကြောင်း ရဲစခန်း တိုင်ချက်အရသိရသည်။

တေးသံရှင် ဆုန်သင်းပါရ် သည် အစ်ကိုဖြစ်သူနှင့် အတူ ၂၀၁၅ နိုဝင်ဘာနှင့် ဒီဇင်ဘာ အတွင်း တက္ကသိုလ်ရိပ်သာလမ်းရှိ Fuji Coffee House ဆိုင်တွင် တွေ့ဆုံကာ ငွေကျပ်သိန်း ၁,၃၀၀ အား သုံးကြိမ် ခွဲ၍ စာချုပ်ချုပ်ဆိုပေးအပ် ခဲ့ကြောင်း ကမာရွတ် ရဲစခန်းမှ သိရသည်။

ထို့နောက် အဆိုတော် ဆုန် သင်းပါရ်သည် ၂၀၁၆ ဧပြီ ၂၃ ရက်တွင် ကဗျာဘွဲ့မှူးနှင့် ဖုန်း အ ဆက်အသွယ်ရပြီး ရှယ်ယာငွေ ကြေးများ ပြန်လည်ပေးအပ်ရန် ကိစ္စပြောဆိုရာ အစိုးရ အပြောင်း အလဲကာလ ဖြစ်သောကြောင့် လုပ်ငန်းများ ရပ်တန့်နေ၍ ငွေ တစ်ရစ်ပြန်လည်ပေးအပ်မည်ဟု ပြောကြားခဲ့သော်လည်း နောက်ပိုင်း တွင် အဆက်အသွယ်ပြတ် တောက်ခဲ့ကြောင်း သိရသည်။

အလားတူ အဆိုတော် ကဗျာ ဘွဲ့မှူး သည် သူငယ်ချင်းဖြစ်သူ ဒေါ်စန်းစန်းထွေး ထံတွင်လည်း ZTH စက်သုံးဆီ လုပ်ငန်းကို ပဲခူး အပြည်ပြည်ဆိုင်ရာလေဆိပ်တွင် လုပ်ကိုင်ရန် အရေးကြီးငွေလိုနေသဖြင့် ကူညီရန်ပြော သဖြင့် ဇန်နဝါရီ ၁၄ ရက်က ငွေကျပ်သိန်း ပေါင်း ၁,၃၀၀ ကို သက်သေများ ရှေ့တွင် ပေးအပ်ခဲ့ကြောင်း၊ 

ထို့နောက် ဧပြီ ၁ ရက်တွင် ဒေါ်စန်းစန်းထွေး က ကူညီထားသည့်ငွေကို ပြန်လည်တောင်းခံရာ  AGD ဘဏ် ချက်လက်မှတ် ငါးခုတွင် စုစုပေါင်းငွေ ကျပ်သိန်း ၁,၂၉၀ ကျော် ထုတ်ယူရန် ရေးသားပေးခဲ့သော်လည်း ဘဏ်ငွေစု စာရင်း တွင် ငွေစုထားခြင်း မရှိကြောင်း အမှုဖွင့် တိုင်တန်းချက်များအရ သိရသည်။

ထို့နောက် ဒေါ်စန်းစန်းထွေး သည် ကဗျာဘွဲ့မှူး၏ နေအိမ်သို့ သွားရောက် ရှာဖွေခဲ့သော်လည်း ယနေ့အထိ တွေ့ရှိခြင်း မရှိသဖြင့် ကျပ်သိန်း ၁,၃၀၀ အား လိမ်လည် ယူဆောင်ခဲ့မှုဖြင့် ကမာရွတ် ရဲစ ခန်းသို့ အမှုဖွင့်တိုင်ကြားခဲ့ခြင်း ဖြစ်ကြောင်း ကမာရွတ် ရဲစခန်းမှ သိရသည်။

ZTH စက်သုံးဆီ လုပ်ငန်းကို အကြောင်းပြကာ အဆိုတော် ဆုန်သင်းပါရ်နှင့် ဒေါ်စန်းစန်းထွေး တို့ ထံမှ စုစုပေါင်းငွေကျပ် သိန်း ၂,၆၀၀ ကျော် လိမ်လည်ခဲ့သဖြင့် အဆိုတော် ကဗျာဘွဲ့မှူးနှင့် ခင်ပွန်း ဦးမျိုးမြင့် တို့ကို ကမာရွတ် မြို့မ ရဲစခန်းက လိမ်လည်မှု ပုဒ်မ ၄၂၀ ဖြင့် အမှုဖွင့် စုံစမ်းလျက်ရှိကြောင်း သိရသည်။

 တေးသံရှင် ကဗျာဘွဲ့မှူး သည် အဆိုတော်မေခလာ၊ ဆုန် သင်းပါရ်၊ L ဆိုင်းဇီ၊ ဘိုဖြူ၊ ၊ ကော်နီ၊ စင်ဒီ၊ အံ့မော်ဦး၊ ဒီဖြိုး၊ ခရစ္စတိုဖာ၊ စောအယ်လ်ခူ၊ ကျော်နေဝင်း၊ ချစ်စမ်းမောင်နှင့် ဒေါ်စန်းစန်းထွေး တို့ထံမှ စုစုပေါင်းငွေ ကျပ် ၁၁,၈၁၆ သိန်း အား လိမ်လည် သွားခဲ့ခြင်းဖြစ်ကြောင်း ဇွန်လ ၇ ရက် က လိမ်လည် ခံရသူ များ ပြုလုပ်သည့် သတင်းစာရှင်းလင်း ပွဲမှ သိရသည်။

http://www.7daydaily.com/story/72311