ဖေ့စ်ဘုတ်ပေါ်မှာ ထပ်ကြမ်းဦးမှာလား ဇွန်သဉ္ဇာ

ပေါ်တင်ကျကျ Sexy Model သရုပ်ဆောင် ဘ၀နဲ့ အနုပညာလိုင်း ကို ထိုးဖောက် ၀င်ရောက်လာခဲ့တယ်လို့ ဆိုရမယ့် မော်ဒယ်လ် သရုပ်ဆောင် ဇွန်သဉ္ဇာ ဟာ လတ်တလော သူ့ရဲ့ ဖေ့စ်ဘုတ် စာမျက်နှာတွေပေါ်မှာ Nude ဆန်ဆန် ကိုယ်လုံး တည်း ဓာတ်ပုံများ တင်လာတာကို တော်တော်များများ တွေ့လာရပါတယ်။

ယခင်ကတော့ မပေါ့်တစ်ပေါ် ၀တ်စား ဆင်ယင်မှုများဖြင့် ပုရိသတွေ အကြိုက် ဆွဲဆောင်ထားတဲ့ ဓာတ်ပုံတွေ နဲ့ လူသိ များလာခဲ့ပေမယ့် ယခုနောက်ပိုင်းမှာ ကိုယ်လုံးတည်း ပုံများကိုပါ ရဲရဲတင်းတင်း တင်ပြ လာတဲ့ အပေါ် မစပ်စု အနေ နဲ့ စပ်စုချင်စိတ်တွေ တဖွားဖွားဖြစ်လာပါတော့အမှန်ပါ။

ဘာကြောင့်လည်း ဆိုတော့ သူ့ရဲ့ သရုပ်ဆောင်မှုတွေ ဟာ တဖြည်းဖြည်း ရဲတင်း လာတဲ့အတွက် ဒီ့ထက် ပိုပြီးများ သူ့ ရဲ့ လိင်ပိုင်း ဆိုင်ရာ ကြမ်းကြမ်း ရမ်းရမ်း ဗီဒီယို ဇာတ်ကားမျိုးတွေပါ ထွက်ရှိလာဦးမလား ဆိုတာ ပါပဲ။ အဲ့ဒီလိုသာ ဆိုရင် အမျိုးသား ယဉ်ကျေးမှုကို ဖေ့စ်ဘုတ် စာမျက်နှာကြီးပေါ်မှာ အသည်း အသန် ပြင်းပြင်း ထန်ထန် ကာကွယ် ထိန်းသိမ်းစောင့်ရှောက်နေကြတဲ့သူတွေ အတွက် အကြီးမားဆုံး ပေါက်ကွဲမှု ပြဿ  နာ တခုလည်း ဖြစ်လာနိုင်တာပေကိုး။

ဒါကြောင့် မော်ဒယ်လ် သရုပ်ဆောင် ဇွန်သဉ္ဇာ ကို စပ်စု တီးခေါက်ကြည့်မိတော့..
“ဒီ့ထက်ပေါ်တင်ကျစရာတော့ မရှိတော့ပါဘူး။ ဓာတ်ပုံဆရာ ကလည်း ပိုပြီးတော့ ဆန်းသစ်ချင်တယ်။ ကိုယ် ကလည်း ရိုက်ဖူး တာတွေနဲ့ မတူချင် မထပ်ချင်ဘူး ဆိုတဲ့ စိတ်ကူးတွေနဲ့ပဲ လုပ်နေတာပါ။ 

Sexy ပိုင်း နဲ့ ပတ်သက်ပြီးတော့ နစ်ကီမစ်နပ်ရှ် တို့ ဂျနီဖာလိုပက်စ်  တို့ရဲ့ MTV ကိုကြည့်ပြီး သူတို့လုပ်တဲ့ အပိုင်းမျိုး ကို အားကျတာလည်း ရှိပါတယ်။ အဲ့ဒီင်္ထက်ကြမ်းတဲ့ ဟာမျိုး လုပ်ဖို့မရှိပါဘူး။ ကျမဖြစ်ချင်တာက ကမယ် ခုန်မယ် အလှပြမယ် သရုပ်ဆောင်ချင်တယ်။ အဲ့လောက်ပါပဲ။ ဒီ့ထက် ပိုပြီး ကြမ်းတဲ့ ဟာမျိုးတော့ မလုပ်ရဲပါဘူး။” လို့  မော်ဒယ်လ် သရုပ်ဆောင် ဇွန်သဉ္ဇာ က ဧရာဝတီကို ပြောပါတယ်။



 




ဒါ့အပြင် သူ့ကို လတ်တလောမှာ sexy model အဖြစ် ဓာတ်ပုံတွေ ရိုက်ကူးနေရင်း နယ်ရှိုးပွဲတွေမှာ သီချင်းတွေ ပဲ လိုက်ဆိုဖြစ်နေတာ ကိုလည်း တွေ့ရပါတယ်။

“အဓိက ကိုယ်ဖြစ်ချင်တာက သရုပ်ဆောင်၊ ကိုယ့်ကို လူသိပြီး အကျိုးပေးတာ က sexy model ပေ့ါ။ ကိုယ့်ကို အားပေးတဲ့ လိုင်းမှာပဲ ကုတ်ကပ် ဖက်တွယ်ရင်း နဲ့ ဒီလောကထဲ မှာ ရပ်တည်နေတယ်ပေ့ါ။ တစ်ကယ်တမ်း ပရိသတ်တွေ ကိုယ့်ကို သိသွားတဲ့ ကောင်းတဲ့ အကွက်လေးက အားပေးတဲ့သူတွေများတဲ့ အတွက် ကိုယ့်ကို ပွဲတွေ လာငှားတဲ့ အတွက် ရှိုးတွေဆိုရတယ်ပေ့ါ။ 

အဆိုတော်လည်း မဟုတ်ဘူး။ အသံလည်း မကောင်း ဘဲနဲ့ အဲ့ဒီလို လာငှားပြီး ဆိုရတဲ့ အတွက် တခြား အဆိုတော်ကြီးတွေ နဲ့ တစ်ခါ တစ်လေ တန်းတူ ဆိုရတော့ ကိုယ့်အနေနဲ့ ဒါလေး ကတော့ အမြတ်ပေ့ါ။ 

သီချင်း ဆိုဖို့ အမြဲတမ်းကြီး ကျတော့လည်း နာမည်ကြီး အခွေတွေ ထုတ်ထားတဲ့သူ မဟုတ်တဲ့ အတွက် အမြဲ တမ်း များ ဆိုနိုင်ပါ့ မလားပေ့ါ။ အဲ့ဒါထက် ကို ကိုယ် တစ်ကယ်ဖြစ်ချင်တဲ့ သရုပ်ဆောင်ပိုင်း ကို တစ်သက်လုံး မတိုးနိုင်တော့ဘူးလားပေ့ါ။ 

ကိုယ့်မှာ အခွင့်အရေး မရှိဘူးဖြစ်နေတယ်။ လုပ်ပြခွင့်၊ ချပြခွင့် ကိုယ့်ကို လက်တွဲခေါ်ရဲတဲ့ သူတွေ မရှိ ဘူးဖြစ်နေ တယ်။ ဒီလို ပူပန်မှုလေးတွေတော့ တဖြည်းဖြည်းရှိလာပါတယ်။” လို့ သူဖြစ်ချင်တဲ့ သရုပ်ဆောင် လိုင်း ကို ရောက်နိုင်ဖို့ အတွက် ကြိုးစား ရုန်းကန်နေရတဲ့အပေါ် ဇွန်သဉ္ဇာ က ပြောပါတယ်။

မော်ဒယ်လ် သရုပ်ဆောင် ဇွန်သဉ္ဇာ တစ်ယောက် Sexy ကျတဲ့ ဓာတ်ပုံတွေကို သူ့ရဲ့ဖေ့စ်ဘုတ်ပေါ်မှာ စတင် တင် ဖြစ်ခဲ့တဲ့ လွန်ခဲ့သော ၃ နှစ်ကျော်ကျော် ကာလတွေလောက်က ဝေဖန်သံတွေ ရိုင်းရိုင်း စိုင်းစိုင်း ဆဲဆို ပြုမှုတာတွေ နဲ့ ရင်ဆိုင်ကြုံတွေခဲ့ရပေမယ့် ဒီဘက်နောက်ပိုင်း မှာ ဒါတွေ အနည်းငယ်လျော့ပါး လာ တယ် လို့ သိရပါတယ်။ ဒါ ဘာကြောင့်လဲ။


 

 



“ပထမ စစချင်း လုပ်တုန်းကတော့ အရမ်းအပြောအဆို ခံရတာပေ့ါနော်။ နောက်ပိုင်း ကိုယ့်ရဲ့ဝါသနာကို နားလည်ပေးလာတယ်။ နောက် ဒီလို မော်ဒယ်လ် လုပ်တဲ့သူတွေလည်း များလာတဲ့ အခါ ကြာလာတော့ ဆဲရင်း ဆဲရင်းနဲ့ ပျောက်သွားမလားပေ့ါ။ 

ထပ်တင် ထပ်လုပ်နေတော့ ကြာတော့ မဆဲချင်တော့ဘူးပေ့ါနော်။ အဲ့လိုမျိုးလေး ဖြစ်လာတာပေ့ါ။ ကိုယ့်ဇွဲ ကိုပဲ အသိအမှတ်ပြုလာတယ် လို့ထင်ပါတယ်။ အရင် ကလောက် မရှိတော့ဘူး” လို့ သူကရှင်းပြပါတယ်။

ဒီလို လေလှိုင်းပေါ်က ဝေဖန် တိုက်ခိုက်မှုထက် လူ ကိုယ်တိုင် အနုပညာလောကမှာ ပါ ပေါ်ပေါ် တင် တင် ဝေဖန် တိုက်ခိုက်ခံရပြီး ဒါတွေလည်း အခုနောက်ပိုင်း လျော့ပါးလာတယ်လို့ သူက ဆက်ပြောပါတယ်။

“အဲ့ဒီလို အနေအထားတွေလည်း လျော့လာပါတယ်။ အရင်တုန်းက မအောင်မြင်ခင် ကိုယ်က ပွဲတွေဘာတွေ သွားတာပေါ့။ ဥပမာ – ကုမ္ပဏီ ပရိုမိုးရှင်း လုပ်မယ်ဆိုရင် မော်ဒယ်လ်တွေ ငှားတယ်ပေ့ါ။ အဲ့ဒီမှာ ကိုယ်တွေ သွားလုပ်ပေးရဖူးတယ်။ 

ကိုယ့်ကို ကိုယ့် နာမည် နဲ့ ခေါ်တာမျိုး မဟုတ်ဘဲ သွားရတဲ့ အခါ ဟယ် ဒါက ဒီလို ရိုက်ထားတဲ့ စော်ကြီး  ပြန် လဲပေး ဘာညာ နဲ့ပေ့ါ။ စောဒကတွေ တက်တာပေ့ါနော်။ နောက် ရှိုးပွဲကြီးတွေ ဆိုရင် ဒီဇိုင်နာတွေ ဆီ သွား ရင် ဒီဇိုင်နာတွေ က သူပါမှာလား။ သူ့ဆိုရင်တော့ မချုပ်ပေးချင်ဘူး။ လူလဲပေး အဲ့ဒါမျိုးတွေ ရှိခဲ့ပါတယ်။ 

ဒါပေမယ့် အခုနောက်ပိုင်းမှာ ကျတော့ ကျမ အနေနဲ့ သီချင်း ဆိုတဲ့ ဘက်ကို ရောက်သွားတဲ့ အတွက် အဲ့ဒီ လူ့ ပတ်ဝန်းကျင် အသိုင်းအ၀ိုင်းက လူအများ နဲ့ သိပ်မတွေ့ထိရတော့ဘူး။  ကိုယ့် နာမည်နဲ့ လာငှားတယ်။ သွား ဆိုရတဲ့ အခါကျတော့ အဲ့လိုမျိုး တိုက်ခိုက်ပြီး အပုတ်ချတာမျိုးတော့ မရှိတော့ဘူးပေ့ါ။” လို့ ဆိုပါတယ်။

သို့ပေမယ့် ဒီလို ဝေဖန် တိုက်ခိုက်မှုတွေကြားကပဲ Sexy Model သရုပ်ဆောင် ဘ၀မှ ရုပ်ရှင်၊ ဗီဒီယို သရုပ်ဆောင်ကောင်း တယောက်ဖြစ်လာဖို့၊ အဲ့ဒီလမ်းကြောင်းပေါ် ရောက်လာနိုင်ဖို့ အတွက် သူ့ဇွဲကိုတော့ ဘယ်တော့မှ လျော့ မသွားဘဲ ဆက်ကြိုးစားနေဦးမှာပါလို့ သရုပ်ဆောင် မော်ဒယ်လ် ဇွန်သဉ္ဇာက ပြောနေဆဲ ပါပဲ။


 http://burma.irrawaddy.com/lifestyle/2016/05/30/115173.html